Թեփի դեմ պայքարելու բնական միջոցներ

Գեղեցիկ եւ առողջ մազերը այդպես էլ երազանք կմնան, եթե գլխամաշկի խնդիրներ ունեք: Թեփի առկայությունը բազմաթիվ տղամարդկանց ու կանանց մոտ բարդույթների առաջացման ամենատարածված պատճառներից է: NEWS.am STYLE-ն առաջարկում է թեփից ազատվելու երկու փորձարկված եւ հուսալի միջոց:

Ճակնդեղի ջուր

3 լիտրանոց տարան կիսով չափ լցրեք սառը ջրով: Ճակնդեղը մաքրեք, կտրատեք եւ լցրեք տարայի մեջ: Մեկ շաբաթ տարան թողեք պատուհանագոգին: Ժամկետի ավարտին տարայում կանաչ բորբոս կձեւավորվի: Պետք չէ վախենալ: Ջուրը մարլայով քամեք, իսկ գլուխը լվանալուց հետո այն օգտագործեք ողողելու համար, նախապես խառնելով տաք ջրին: Ընդ որում, գլուխը հարկավոր է լվանալ տարեկանի հացով: Դրա համար անհրաժեշտ է շուրջ 100 գրամ հաց:

Այդ կերպ գլուխը պետք է լվանալ յուրաքանչյուր երկրորդ օրը, մինչեւ երկու հատ 3 լիտրանոց տարայով ճակնդեղի ջուրը վերջանա:

Կիտրոնի կեղեւով բաղադրատոմս

4 կիտրոնի կեղեւը մաքրեք եւ շուրջ 15 րոպե եփեք: Շաբաթը մեկ-երկու անգամ լվանալուց հետո մազերը ողողեք այս ջրով: Գործողությունը հարկավոր է կրկնել մեկ ամիս:

Հարցեր, պատասխաններ, մեկնաբանություններ